Spænska stórliðið Barcelona skuldar yfir 800 milljónir punda eftir að hafa keypt Antoine Griezmann frá Atletico Madrid.
Frá þessu greina spænskir miðlar en Barcelona borgaði 107 milljónir punda fyrir franska landsliðsmanninn.
Ljóst er að félagið þarf að selja leikmenn í sumar og er útlit fyrir að þeir eigi ekki efni á Neymar, leikmanni Paris Saint-Germain sem er orðaður við félagið.
Þessi skuld hefur hækkað verulega undanfarin ár en Börsungar borguðu einnig 145 milljónir fyrir Philippe Coutinho í fyrra.
Leikmenn á borð við Lionel Messi, Luis Suarez og Gerard Pique eru þá á risalaunum hjá félaginu.
Ekki nóg með það heldur er félagið að gera upp heimavöll sinn Nou Camp og er skuldin orðin virkilega há.