Arnór Ingvi Traustason, leikmaður Malmö, lék með sænska liðinu í leik gegn Djurgarden í dag.
Arnór og félagar eru að berjast á toppnum í Allsvenskan og eru með fjögurra stiga forskot þessa stundina.
Arnór var að venu í byrjunarliði Malmö í dag en var borinn af velli eftir 43 mínútur í fyrri hálfleik.
Óttast er að Arnór sé fótbrotinn en hann lenti illa í því eftir baráttu við leikmann heimaliðsins.
Uwe Rosler, stjóri Malmö, greindi frá því eftir leik að það væri möguleiki á að íslenski landsliðsmaðurinn væri brotinn.