Daniel Sturridge, fyrrum leikmaður Liverpool, fékk góðar fréttir í gær af hundinum sínum, Lucci.
Sturridge greindi frá því í á þriðjudag að hundinum hans hefði verið stolið en brotist var inn í hús hans í Los Angeles í Bandaríkjunum.
Framherjinn lofaði að borga há fundarlaun fyrir þann sem myndi finna hundinn og varð hann að ósk sinni í gær.
,,Ég trúi þessu ekki. Ég vil bara þakka öllum á samskiptamiðlum sem sýndi okkur stuðning og komu skilaboðunum á framfæri. Ég er svo þakklátur,“ sagði Sturridge í dag.
Myndum af ungum dreng haldandi á Lucci var dreift á netið og var þar spurt hvort þetta væri hundurinn hans Sturridge.
Það var bandarískur rappari sem fann hundinn en hann fékk þó ekki þessi umtöluðu fundarlaun sem Sturridge hafði boðið.
Rapparinn Killa Fame greindi frá því á Twitter síðu sinni að Sturridge hafi ekki borgað nærri þeirri upphæð sem hann lofaði.
Samkvæmt fréttum þá fékk rapparinn aðeins 320 pund fyrir að finna hund Sturridge og kallar hann framherjann lygara á síðu sinni á Twitter.
Klla Fame var að vonum ósáttur og lét enska sóknarmanninn heyra það á samskiptamiðlum.