Daniel Sturridge, fyrrum leikmaður Liverpool, fékk góðar fréttir í dag af hundinum sínum, Lucci.
Sturridge greindi frá því í gær að hundinum hans hafi verið stolið en brotist var inn í hús hans í Los Angeles í Bandaríkjunum.
Framherjinn lofaði að borga há fundarlaun fyrir þann sem myndi finna hundinn og varð hann að ósk sinni í dag.
,,Ég trúi þessu ekki. Ég vil bara þakka öllum á samskiptamiðlum sem sýndi okkur stuðning og komu skilaboðunum á framfæri. Ég er svo þakklátur,“ sagði Sturridge í dag.
Myndum af ungum dreng haldandi á Lucci var dreift á netið og var þar spurt hvort þetta væri hundurinn hans Sturridge.
