Það muna flestir eftir því þegar Kepa Arrizabalaga, markvörður Chelsea, neitaði að koma af velli í leik gegn Manchester City í vor.
Kepa spilaði með Chelsea í úrslitum enska deildarbikarsins og átti að koma af velli fyrir Willy Caballero áður en vítakeppni myndi hefjast.
Kepa neitaði hins vegar að fara af velli og varð Maurizio Sarri, stjóri Chelsea, algjörlega brjálaður á hliðarlínunni.
Eins ótrúlegt og það hljómar þá urðum við vitni að svipuðu atviki á mánudag er Gana og Túnis áttust við í Afríkukeppninni.
Markvörðurinn Mouez Hassen átti þá að koma af velli fyrir varamarkvörðinn Farouk Ben Mustapha.
Hassen harðneitaði hins vegar að koma af velli og vildi fá að taka þátt í vítakeppninni.
Eftir nokkrar erfiðar mínútur þá ákvað Hassen loksins að hlusta og gekk af velli. Túnis vann að lokum í vítakeppninni og fór áfram í næstu umferð.
Myndir af þessu má sjá hér.