Marco Arnautovic var seldur frá West Ham á dögunum en hann er farinn í kínversku úrvalsldeildina.
Arnautovic verður ekki saknað hjá West Ham að mati Claire Rafferty sem er fyrrum leikmaður kvennaliðs félagsins.
Rafferty talar ekki vel um Arnautovic og segir að hann hafi oft sýnt kvennaliðinu óvirðingu á æfingasvæðinu.
,,Ég held að West Ham hafi loks fengið nóg af honum – Viðhorfið hans er augljóslega ekki gott,“ sagði Rafferty.
,,Á æfingasvæðinu þá var hann alltaf með leiðindi gagnvart okkur þegar hann labbaði framhjá.“
,,Við æfðum á sama stað og þeir en augljóslega á öðrum velli. Það gerðist nokkrum sinnum að hann sýndi okkur vanvirðingu.“
,,Hann var að yfirgefa sína æfingu og öskraði á okkur yfir vegginn og sýndi enga virðingu.“
,,Við vorum að æfa leikskipulag og honum var alveg sama um hvað var í gangi hjá okkur.“
,,Það er ekki séns að einhver af okkur hefði gert það sama við þá. Ég held að hann sé bara svona, hann er mjög hávær.“