Eden Hazard hefur skrifað undir samning við Real Madrid á Spáni en þetta var staðfest nú rétt í þessu.
Félagaskipti Hazard hafa legið í loftinu undanfarnar vikur en hann vildi komast burt frá Chelsea.
Belginn hefur nú gert fimm ára samning við Real sem gildir til ársins 2024.
Bæði Chelsea og Real Madrid hafa staðfest skipti Hazard sem gekk í raðir Chelsea árið 2012.
Hazard spilaði sinn síðasta leik fyrir Chelsea gegn Arsenal í úrslitum Evrópudeildarinnar og skoraði tvö mörk í 4-1 sigri.
Real borgar 100 milljónir evra fyrir Hazard sem er 28 ára gamall belgískur sóknarmaður.