Breiðablik hefur samþykkt tilboð frá belgíska 1.deildarliðinu Lommel í bakvörðinn Jonathan Hendrickx.
Johnathan mun yfirgefa Breiðablik í félagaskiptaglugganum í júlí. Hann spilar nokkra leiki með Blikum áður en hann fer.
,,Jonathan er mikill fagmaður og hefur verið mjög öflugur í Blikaliðinu í þeim 48 mótsleikjum sem hann hefur spilað fyrir Breiðabik frá því að hann kom til okkar fyrir keppnistímabilið 2018,“ segir á heimasíðu Blika.
Ljóst er að það er mikið högg fyrir toppliðið í Pepsi Max-deild karla að missa Hendricx, hann hefur líklega verið besti bakvörður deildarinnar í ár.