Kári Árnason, landsliðsmaður, er kominn heim í Pepsi Max-deildina og hefur gert samning við Víking Reykjavík.
Kári mun spila með Víkingum út þetta tímabil hið minnsta og verður enn hluti af íslenska landsliðinu.
Íslenska deildin endar í september en þá á íslenska landsliðið enn eftir að spila leiki í undankeppni EM.
Ef Ísland kemst á EM næsta sumar þá er möguleiki á því að Kári þurfi að fara aftur út í janúar og finna sér lið til að halda sér í formi.
,,Við höfum alveg rætt það, við Víkingana. Það er alveg option. Ég mun taka það dialog og hef svona aðeins rætt það við Freysa og Hamren,“ sagði Kári.
,,Það verður bara að taka stöðuna þegar að því kemur. Ég loka ekki neinum dyrum en það væri alltaf á láni bara.“
,,Ég er orðinn leikmaður Víkings í dag og ætla að einbeita mér að því þar til tímabilið er búið.“
,,Ef þeim finnst ég þurfa að spila eitthvað meira þá verð ég bara að gera það.“
