Jose Antonio Reyes, fyrrum leikmaður Arsenal, Sevilla, Real Madrid og fleiri liða, lést í hræðilegu bílslysi á laugardag. Það kviknaði í bíl Reyes, eftir harkalegan árekstur. Reyes brann inni í bifreið sinni.
Fullyrt er í spænskum fjölmiðlum í dag að Reyes hafi ekið á 230 kílómetra hraða á klukkustund, þar sem hámarkshraði var 120 kílómetrar á klukkustund.
Dekkið á bíl Reyes sprakk með þeim afleiðingum að hann hafnaði á vegg og skaust þaðan af veginum. Þar kviknaði í Mercedes bifreið hans.
Reyes ók um á Mercedes Brabus S550V, bifreið sem hann átti. Bílinn hafði hann ekki notað í marga mánuði, Reyes átti marga bíla. Loftþrýstingurinn í dekkjunum var því ekki eðlilegur, ef marka má fyrstu skýrslu lögreglu.
Með honum í för var Jonathan Reyes, 23 ára gamall frændi hans. Hann lést einnig samstundis, mikil sorg hefur ríkt á Spáni eftir þennan harmleik.
Reyes var afar öflugur knattspyrnumaður og lék með spænska landsliðinu. Atvikið átti sér stað rétt hjá Sevilla.
Myndir af ökutækinu má sjá hér að neðan.