Manchester United mun í dag ganga frá kaupum á Aaron Wan-Bissaka, varnarmanni Crystal Palace.
Bakvörðurinn mun skrifa undir fimm ára samnning en hann kostar félagið 50 milljónir punda.
Næstur í röð Ole Gunnar Solskjær er Sean Longstaff, ungur miðjumaður Newcastle.
Longstaff kom fyrst við sögu í desember á síðasta ári og átti fína spretti á miðsvæði Newcastle.
Solskjær vill kaupa unga, breska leikmenn í sumar en félagið hefur einnig keypt kantmanninn, Daniel James frá Swansea.
Longstaff er 21 árs gamall en honum hefur verið líkt við Michael Carrick, aðstoðarmann Solskjær hjá United.
Einnig er búist við að Solskjær losi sig við nokkra leikmenn en líklegast er talið að Romelu Lukaku fari til Inter.