Donald Trump, forseti Bandaríkjanna er ekki sáttur með það hvernig Megan Rapinoe, leikmaður bandaríska landsliðsins hagar sér.
Rapinoe hefur lengi verið að deila á Trump og hans störf, hún syngur ekki með þjóðsöng Bandaríkjanna. Til að gagnrýna réttlætið í landinu. Þetta hefur hún gert á HM í Frakklandi.
Rapinoe er samkynhneigð og hún telur að minnihlutahópar eigi undir högg að sækja hjá Trump. Hún hefur áður mótmælt, þá ákvað hún að krjúpa á meðan þjóðsöngurinn var í gangi. Það hefur knattspyrnusamband Bandaríkjanna, bannað.
,,Þetta er ekki góð hegðun hjá Megan,“ sagði Trump um þessa ákvörðun hennar.
Trump var svo spurður hvort launamunur kynjanna í fótbolta, væri eðlilegur. ,,Þetta hefur mikið með eftirspurn að gera.“
,,Hvar fólkið kemur, hvaðan peningurinn kemur. Þú ert með stjörnur eins og Cristiano Ronaldo, sem fær svakaleg laun. Hann dregur líka fleiri hundruð þúsund á völlinn.“
,,Ég hef samt ekert sérstaka skoðun á þessu.“
