Haraldur Björnsson, markvörður Stjörnunnar, hefur verið í umræðunni undanfarna daga.
Í hlaðvarpsþættinum Dr. Football fékk Haraldur harða gagnrýni og var sagður vera allt að 30 kílóum of þungur.
Haraldur spilað vel í sigri Stjörnunnar gegn Fylki um helgina en Stjarnan hafði betur, 5-1.
Það var aðeins rætt mál Haraldar í þættinum Sóknin á 433.is í dag þar sem Stjörnumaðurinn Hrafn Norðdahl var gestur.
Hrafn var spurður út í þessa umræðu um Harald en hann segir að það sé lítið öðruvísi í dag heldur en undanfarin ár.
,,Huggulegur maður! Ég hef því miður ekki farið í sturtu með honum!“ sagði Hrafn en Haralur bauð gagnrýnendum að kíkja með sér í sturtu í viðtali við Fótbolta.net um helgina.
,,Ég segi ekki að hann sé 30 kílóum of þungur eins og einhverjir hafa verið að segja en hann er aðeins of þungur, það sést alveg.“
,,Fyrir atvinnumann eða hálf atvinnumann í íþróttum. Þetta er hörku markmaður og hann sýndi það í gær. Hann var öruggur í öllu, greip bolta, varði vel þegar þurfti á að halda. Ef hann heldur þessu áfram þá má hann alveg vera fimm kílóum of þungur mín vegna.“
,,Hann er ekkert í verra formi í dag heldur en í fyrra, þetta er bara sama formið.“