Pierre-Emerick Aubameyang, framherji Arsenal er í dag orðaður við Manchester United. Talksport heldur því fram að Manchester United sé að undirbúa 70 milljóna punda tilboð í hann.
Líklegt er að Romelu Lukaku fari frá Manchester United í sumar, hann hefur áhuga á að fara og Inter Milan vill kaupa hann.
Aubameyang er frá Gabon en hann hefur verið afar öflugur með Arsenal, síðasta eina og hálfa árið.
Talksport segir að United horfi á Aubameyang sem manninn til að fylla í skarð Lukaku.
Ekki er líklegt að Arsenal vilji selja Aubameyang til Manchester United en bæði lið reyna að koma sér aftur í Meistaradeildina.