Aaron Wan-Bissaka, bakvörður Crystal Palace er efstur á óskalista Manchester United í sumar. Félögin ræða nú um verðmiðann.
United bauð 35 milljónir punda í fyrstu tilraun, nú er talað um að félögin nái saman í kringum 55 milljónir punda.
Wan-Bissaka yrði þar með dýrasti bakvörður í sögu fótboltans, hann yrði dýrari en Benjamin Mendy.
Sagt er í dag að United muni borga 47 milljónir punda og 8 milljónir punda fara eftir árangri hans.
Ladbrokes hefur lokað á veðmál í kringum Wan-Bissaka, þeir telja að allt sé klárt.