Paul Pogba vill yfirgefa Manchester United í sumar, þetta staðfesti hann um helgina. Nú er svo sagt frá því, að Pogba vilji snúa aftur til Ítalíu.
Þrjú ár eru síðan að Pogba fór frá Juventus til Manchester United, nú vill hann aftur til Juventus.
Real Madrid hefur sýnt Pogba áhuga, en verðmiðinn og launakröfur hans hafa reynst erfiður biti. Sky Italia segir að Juventus hafi rætt við United, nú reyni félagið að ná samningi við Pogba. Áður en viðræður við United halda áfram.
Ensk blöð sega svo frá því að ef Pogba verður leikmaður Manchester United 1. júlí, þá fái hann 3,78 milljónir punda í bónus. Um er að ræða bónus sem samið var um þegar Pogba kom árið 2016.
Pogba fær því rúmar 600 milljónir íslenskra króna frá United, þó hann vilji ólmur losna frá félaginu.