Mel Morris, stjórnarformaður Derby, segir að Frank Lampard sé ekki búinn að semja við Chelsea.
Lampard er sterklega orðaður við sitt fyrrum félag sem vantar nú nýjan knattspyrnustjóra. Derby vill þó halda Lampard og er Morris ekki opinn fyrir því að hleypa honum burt auðveldlega.
,,Við höfum talað mjög skýrt um þetta og þá sérstaklega við Lampard sjálfan,“ sagði Morris. ,,Við viljum halda honum hjá félaginu í langan tíma. Ef Chelsea vill ráða Frank þá þurfa þeir að bjóða í hann.“
Sagt er að Lampard muni á næstu dögum halda í viðræður við Roman Abramovich, eiganda Chelsea. Roman má ekki ferðast til Englands, hann er frá Rússlandi og fær ekki vegabréfsáritun.
Viðræðurnar munu því fara fram á Eclipse, snekkju Roman. Sú kostar 6 milljarða og er ansi glæsileg.
