Michel Platini, fyrrverandi forseti Evrópska knattspyrnusambandsins, UEFA, var handtekinn í morgun. Þetta kemur fram á vef Sky Sports. Þar segir að handtakan snúi að rannsókn á þeirri ákvörðum að láta Katar fá HM í knattspyrnu árið 2022.
Platini, sem er 63 ára, var kjörinn forseti UEFA árið 2007 og gegndi hann stöðunni til ársins 2015.
Það vakti talsverða athygli þegar Katar fékk HM í knattspyrnu árið 2010 og hefur sá orðrómur verið á kreiki lengi að maðkur hafi verið í mysunni.
Árið 2015 fékk Platini svokallað afskiptabann frá knattspyrnu í átta ár. Bannið var stytt niður í fjögur ár af áfrýjunardómstól.
