James Maddisson, leikmaður Leicester í ensku úrvalsdeildinni hefur látið sérhanna skó fyrir sig.
Skóna mun hann nota á Evrópumóti U21 árs landsliða en England hefur leik í kvöld.
Skórnir eru til minningar um Sophie Taylor, sem lést fyrr á þessu ári. Hún var fimm ára gömul og hafði barist við krabbamein.
Sophie og Maddisson kynntust fyrir 16 mánuðum og reyndi hann að gera allt til þess að létta henni lífið. Hann birti mynd af skónum og sagði að þetta væri fyrir hans besta vin.
,,Það er nýr engill á himnum,“ stendur á skónum sem Maddisson mun klæðast en þar er mynd af henni.
Þá er mynd af Maddisson sem fagnaði marki í vetur til minningar um þessa ungu stúlku, sem féll frá alltof snemma.
Skóna má sjá hér að neðan.