Cristiano Ronaldo, leikmaður Juventus, var óvænt ekki boðið í brúðkaup varnarmannsins Sergio Ramos.
Ramos giftist sjónvarpskonunni Pilar Rubio á laugardaginn en athöfnin fór fram á Sevilla á Spáni.
Ronaldo og Ramos léku saman í fjölmörg ár hjá Real Madrid en þrátt fyrir það fékk sá fyrrnefndi ekki boðskort.
Um 500 manns mættu í veislu Ramos og má nefn stórstjörnur á borð við Gerard Pique, David Beckham og Roberto Carlos.
Ramos og Ronaldo voru liðsfélagar í níu ár en talið er að samband þeirra hafi versnað er Ronaldo samdi við Juventus í fyrra.
Ronaldo staðfesti það að honum hefði ekki verið boðið með því að birta myndir af sér og fjölskyldu sinni á leið í frí.