Það er betra að vera í sambandi með Mario Balotelli en portúgölsku stórstjörnunni Cristiano Ronaldo.
Þetta segir fyrirsætan Raffaella Fico en hún er með það á ferilskránni að hafa verið í sambandi með báðum leikmönnum.
Samkvæmt Fico er Balotelli mun vinalegri en Ronaldo þrátt fyrir að vera þekktur fyrir það að vera mikill vandræðagemsi.
Fico ræddi samband sitt við Balotelli í viðtali í dag en þau voru saman í fimm mánuði. Fico og Ronaldo voru saman í 11 mánuði árið 2009.
,,Balotelli er miklu vinalegri en Ronaldo. Mario er góð manneskja, það sem þú sérð utan frá gefur ekki rétta mynd af því hvernig hann er,“ sagði Fico.
,,Með Mario þá höfðum við bæði rangt fyrir okkur. Í dag er samband okkar fallegt og jafnvel betra en þegar við vorum saman.“