Paul Pogba, leikmaður Manchester United, hótar nú að fara í verkfall fái hann ekki að yfirgefa félagið.
Frá þessu greina spænskir miðlar en Pogba ætlar sér að komast burt frá Old Trafford í sumar.
Pogba mun biðja United um að selja sig en ef félagið neitar þá gæti Frakkinn farið í verkfall og neitað að mæta á undirbúningstímabilinu.
Pogba dreymir um að spila fyrir Zinedine Zidane en hann er í dag stjóri Real Madrid.
United er talið vilja fá allt að 160 milljónir punda fyrir Pogba en óvíst er hvort Real sé tilbúið að borga þá upphæð.
Pogba hefur undanfarin þrjú ár leikið með United en hann kom til félagsins frá Juventus.