Valur svaraði fyrir sig í Pepsi Max-deild karla í kvöld er liðið mætti ÍBV í 8. umferð sumarsins.
Valsmenn voru á botni deildarinnar fyrir leikinn í kvöld en sigur liðsins var aldrei í hættu og unnu Íslandsmeistararnir 5-1 sigur.
Hér má sjá það góða og slæma úr leiknum.
Plús:
Fyrsta frammistaða Vals í sumar, þar sem liðið gengur af velli og getur verið stolt af leik sínum. Annar sigur sumarsins í hús.
Lasse Petry átti að vera stjarna þegar hann kom til Vals, hann hefur mátt þola gagnrýni en svaraði vel fyrir sig í dag. Tvö geggjuð mörk.
Ólafur Karl Finsen hefur verið besti maður Vals í sumar, frábær í dag. Heldur vel í bolta, tekur klók hlaup og leysir stöðu framherja vel.
Sigurinn ætti að gefa Val mikið sjálfstraust, slátrun á heimavelli. Góð mörk og fallegt spil á köflum.
Mínus:
Hvert var plan ÍBV í dag? Liðið varðist illa og sóknarleikur liðsins var verri. Pedro er í veseni í Eyjum.
Jonathan Glenn var afar slakur í dag, hélt mjög illa í boltann. Var pakkað saman ef Eiði Aroni og Hedlund.
Það var lítil stemming á Hlíðarenda, leiktíminn ekki góður á helgi þar sem margir eru að fara úr bænum. Því miður.