Aron Einar Gunnarsson, landsliðsfyrirliði, var gestur í hlaðvarpsþættinum Millivegurinn í gær.
Aron Einar er staddur hér á landi þessa stundina en hann tók þátt í landsliðsverkefni með Íslandi á dögunum.
Eins og flestir vita þá er Aron með mörg húðflúr á líkamanum en hann hefur unnið í því listaverki í mörg ár.
Aron er til að mynda með íslenska skjaldamerkið á bakinu en það var alls ekki þægileg upplifun að láta húðflúra það á sig.
Aron talar um versta sársauka sem hann hefur upplifað og hefur tekið sér smá pásu frá nálinni.
,,Ég veit það ekki. Ég á eftir eitthvað. Mér finnst ég ekki vera alveg búinn,“ sagði Aron um hvort hann ætli að fá sér fleiri húðflúr.
,,Ég tók svolítið á bakið á mér. Það var svolítið vont! Ég er með skjaldamerkið á bakinu og það tók svolítið á og ég hef tekið mér smá pásu.“
,,Planið er samt að gera eitthvað varðandi strákana mína og það er bara í bígerð. Það kemur að því að ég fái mér eitthvað varðandi þá.“
,,Bakið á mér gerði Gunnar V. Hann kom til Cardiff, hann kom þrisvar ef ekki fjórum sinnum. Við vorum þarna í fjóra tíma á dag, tvo daga í senn. Það var hell sko.“
,,Hann fór niður hryggsúluna með rauða litinn og ég hef aldrei lent í öðru eins. Bakið var by a mile versti sársauki sem ég hef fundið.“