Hannes Þór Halldórsson stóð fyrir sínu í marki íslenska landsliðsins í kvöld er liðið mætti Tyrkjum.
Ísland hafði betur 2-1 á Laugardalsvelli en Hannes gerði sitt vel í markinu og var traustur í mikilvægum sigri.
,,Ég er bara svo hrikalega glaður. Þetta var alveg æðislegt og það gerist ekki betra,“ sagði Hannes.
,,Við lokuðum á allt sem þeir reyndu. Það hefur verið smá titringur og pínu drama, þeir hafa verið að leggjast á okkur á okkar samskiptamiðlum. Það voru margar hótanir og ljót skilaboð.“
,,Við vorum ákveðnir í að mæta klárir í dag og taka þetta verkefni og loka því eins og við lögðum upp með.“
,,Það eru allir að fá fullt af skilaboðum. Ég held að það hafi alveg verið partur af því hversu mikið okkur langaði að vinna leikinn.“