KSÍ ætlar að taka uppþvottabursta af þeim áhorfendum sem ætla sér með slíka á Laugardalsvöll í kvöld. Víðir Reynisson, öryggisfulltrúi KSÍ sagði frá þessu á RÚV.
Ferðamaður frá Belgíu otaði uppþvottabursta að Tyrkjum þegar þeir komu til landsins á sunnudag, það líta Tyrkir á sem kynþáttaníð.
Tyrkir voru einnig reiðir yfir því hversu langan tíma það tók, að fara í gegnum öryggisleit á Keflavíkurflugvelli. Það virðist stormur í vatnsglasi.
,,Tyrkir taka þetta sem kynþáttaníð, stuðningsmenn okkar hafa aldrei verið með slíkt á okkar heimavelli, við vonum að það breytist ekkert,“ sagði Víðir við RÚV.
,,Við höfum haft eftirspurnir af því að fólki finnist þetta fyndið, við munum taka allt af fólki sem getur talist kynþáttaníð. Ef brot telst alvarlegt, getur KSÍ fengið háar sektir eða spila leiki fyrir luktum dyrum, kynþáttaníð eru mjög alvarleg brot.“