Búið er að finna manninn sem veifaði þvottabursta í landslið Tyrkland er það kom til Íslands í gær. Sá er frá Belgíu en ekki Íslandi.

Íslenska karlalandsliðið mætir Tyrklandi í undankeppni EM, á Laugardalsvelli á morgun. Lið Tyrklands kom til landsins í gær, eftir það hefur allt soðið upp úr. Emre Belözoglu, reyndur leikmaður Tyrklands var að svara fréttamönnum, þegar „íslenskur“ maður mætti með þvottabursta og fór að spyrja Emre.

Tyrkir líta á þetta sem mikla niðurlægingu, þeir héldu lengi vel að þetta væri íslenskur fréttamaður.

Nú er búið að ‘hakka’ Facebook síðu Corentin Siamang en það er maðurinn á bakvið þvottaburstann.

Búið er að taka yfir Facebook síðu hans og er hún full af færslum um Tyrkland og hafa myndir fengið að fljóta með.

,,Ég hef sýnt Emre og Tyrklandi óvirðingu og fæ hér með nauðsynlega refsingu,“ stendur í einni færslu á síðunni.

Birt voru nokkrar myndir þar sem grín er gert að Siamang sem er líklega óvinsælasti maðurinn í Tyrklandi um þessar mundir.