Liverpool og Tottenham munu spila í úrslitum Meistaradeildarinnar en úrslitaleikurinn fer fram í Madríd.
Tottenham tryggði sæti sitt í gær með sigri á Ajax en liðið vann ótrúlegan 3-2 útisigur eftir ða hafa lent 2-0 undir.
Það var Lucas Moura sem skoraði öll mörk Tottenham í leiknum en hann gerði þrennu í seinni hálfleik.
Á þriðjudag tryggði Liverpool sér farseðilinn í úrslitaleikinn með frábærum 4-0 sigri á Barcelona.
Í þeim leik reyndist Divock Origi gríðarlega mikilvægur en hann skoraði tvennu er Liverpool komst áfram.
Happatala Meistaradeildarinnar þetta tímabilið er talan 27 en báðir þessir leikmenn klæðast treyju númer 27.
Það er í raun sturluð staðreynd en þessir tveir munu eigast við í úrslitaleiknum sjálfum á Wanda Metropolitano í Madríd.