Það var erfitt fyrir marga að sætta sig við úrslit gærdagins er Liverpool og Barcelona áttust við.
Liverpool fékk Barcelona í heimsókn á Anfield í Meistaradeildinni en um var að ræða seinni leikinn af tveimur.
Barcelona vann fyrri leikinn örugglega 3-0 heima en Liverpool sneri viðureigninni við með 4-0 sigri í gær.
Einn bálreiður stuðningsmaður Barcelona komst í fréttirnar í gær en hann horfði á leikinn í sjónvarpinu.
Þessi ungi maður gat ekki haldið aftur af sér og endaði á að eyðileggja rándýrt sjónvarp fjölskyldunnar.
Það virtist öllum vera sama um skemmdarverk drengsins eins og má sjá hér fyrir neðan!
Barcelona fan smashing his TV up pic.twitter.com/hrTTji3eTB
— indykaila News (@indykaila) 8 May 2019