Luis Suarez og hans félagar í Barcelona eru úr leik í Meistaradeild Evrópu eftir tap gegn Liverpool í kvöld.
Barcelona vann 3-0 sigur á Liverpool í fyrri undanúrslitaleiknum en mætti á Anfield í kvöld.
Suarez er fyrrum leikmaður Liverpool og var dáður af stuðningsmönnum liðsins áður en hann hélt til Spánar.
Hann skoraði í fyrri leiknum og fagnaði marki sínu gríðarlega gegn sínum gömlu félögum.
Andy Robertson, leikmaður Liverpool, var spurður út í Suarez eftir seinni leikinn í kvöld sem Liverpool vann 4-0.
,,Mér er alveg sama um hann, hver er á leið í úrslitaleikinn?“ sagði Robertson um Úrúgvæann.
Sá hlær best sem síðast hlær en Suarez fékk töluvert áreiti frá stuðningsmönnum heimaliðsins í kvöld.