Albert Brynjar Ingason, leikmaður Fjölnis, er virkur á samskiptamiðlinum Twitter og er með þónokkra fylgjendur eða í kringum 3,000 manns.
Albert er þekktastur fyrir tíma sinn hjá Fylki en hann skrifaði undir samning við Fjölni fyrir tímabilið og hefur byrjað sumarið af krafti.
Framherjinn geðþekki elskar að birta skemmtileg myndbönd á Twitter-síðu sína og bauð upp á enn einn gullmolann í gærkvöldi.
Hann birti þá myndband af sjálfum sér hringja í Petersen svítuna og er óhætt að segja að símtalið sé ansi skemmtilegt.
Albert ákvað að grínast aðeins í vinnufélaga sínum, Ásmundi Atlasyni sem er handboltamaður.
Í símtalinu greinir Albert frá því að Ásmundur sé að drekka áfengi á staðnum og að hann sé ekki með aldur til þess.
,,Ég ætlaði nú bara að láta vita að ég var að fá Snapchat frá vinnufélaga mínum, hann heitir Ásmundur Atlason,“ sagði Albert í símtalinu.
,,Hann er þarna á svölunum hjá ykkur að drekka bjór. Hann er ekki orðinn 20 ára gamall. Þú kannski kemur þessu til skila ef þú vilt. Hann er með einhverri guggu þarna á svölunum. Meira var það ekki!“
Starfsmaður Peterson virtist taka nokkuð vel í þessi skilaboð Alberts og var Ásmundi að lokum hent út miðað við seinni færslu Alberts.
,,Þú ert ekki í lagi. Leiðist þér í alvörunni svona mikið?“ voru skilaboðin sem Albert fékk frá Ásmundi.
Hann staðfesti það svo að honum hefði verið hent út og bíður Albert spenntur eftir því að hitta vinnufélaga sinn í fyrramálið.
Fékk snapchat frá vinnufélaga mínum honum @AsmundurAtlason að fá sér bjór á petersen.
Ég fór í málið. pic.twitter.com/HzvWEsU37D
— Albert Ingason. (@Snjalli) 5 May 2019
— Albert Ingason. (@Snjalli) 5 May 2019