fbpx
Miðvikudagur 17.júlí 2019  |
433Sport

Kristján settist á rúmstokk Arnars og tjáði honum að draumurinn gæti ræst: ,,Það var enginn sem hafði áhuga á mér“

Hörður Snævar Jónsson
Föstudaginn 3. maí 2019 19:20

Arnar til vinstri og Kristján fyrir miðju.

Ekki missa af Helstu tíðindum dagsins í pósthólfið þitt

Lesa nánar

Arnar Þór Viðarsson átti magnaðan feril sem atvinnumaður í knattspyrnu, hann var elskaður og dáður hjá þeim félögum sem hann lék fyrir. Arnar hefur búið erlendis í 22 ár en er mættur aftur heim. Hann er nú þjálfari U21 árs landsliðsins og var í vikunni ráðinn yfirmaður knattspyrnumála hjá KSÍ.

Arnar hélt í atvinnumennsku árið 1997 en það var hann sjálfur sem barðist fyrir því að komast út.

,,Þetta var allt öðruvísi en þetta er í dag, það voru ekki þessi lið með unglingastarf eins og í dag. Það var ekki neinn að hringja á Hjallabrautina og tala ensku og spyrja pabba hvort Addi Vidd vildi koma út, það var enginn í því,“ sagði Arnar í hlaðvarpsþætti okkar, 90 mínútum í dag.

Arnar sem ólst upp hjá FH, fór ungur að árum í knattspyrnuskóla Kristjáns Bernburg, skólinnn er enn í gangi í Lokeren í dag.

,,Það sem ég gerði, ég fór í knattspyrnuskóla Kristjáns Bernburg þegar ég var 13 og 14 ára. Fyrsta minning mín af þvi að ætla að verða atvinnumaður, það er í knattspyrnuskólanum hjá Kristjáni. Hann kemur inn á herbergi hjá mér að kvöldi til, og fer að spjalla. Hann spyr mig hvað ég ætli að gera, þegar ég verð stór. Ég segi honum að ég ætli nú líklega bara í háskóla, Kristján tjáði mér þá að hann héldi að ég gæti orðið atvinnumaður.“

Arnar hélt heim á leið og fór að æfa meira, hann settist svo niður og skrifaði bréf. Sem varð til þess að hann á endanum gekk í raðir Lokeren og lék með félaginu í níu ár.

,,Frá þeim tímapunkti, þá fór ég að æfa auka. Ég skrifa honum svo bréf, enginn tölvupóstur þá. Það er Kristján sem reddar mér á reynslu hjá Lokeren, það var enginn sem hafði áhuga á mér. Ég hef þurft að hafa fyrir þessu sjálfur, ég verð Kristjáni ævinlega þakklátur. Hann reddaði mér á reynslu hjá Lokeren.“

Margir öflugir leikmenn hafa farið í skóla Kristjáns sem hefur gefið af sér afar gott orð.

,,Fyrir Kristján er ég hans auglýsing, þetta er frábær skóli. Ég veit ekki hvernig aðrir skólar eru, Kristján er pottþéttur. Þetta byrjaði sem knattspyrnuskóli, þar sem þú æfir eins og atvinnumaður. Þetta er eins og að vera atvinnumaður í viku. Það er alltaf fullt í þetta, það segir sitt.“

Viðtalið við Arnar er í heild hér að neðan en það má einnig hlusta í hlaðvarpsveitum og á Spotify.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Konunglegt foreldrafrí
433Sport
Í gær

Sjáðu myndina: Ný treyja Englandsmeistarana fær mikla gagnrýni

Sjáðu myndina: Ný treyja Englandsmeistarana fær mikla gagnrýni
433Sport
Í gær

Barcelona skuldar ótrúlega upphæð: Hvernig hafa þeir efni á honum?

Barcelona skuldar ótrúlega upphæð: Hvernig hafa þeir efni á honum?
433Sport
Fyrir 3 dögum

Sjáðu myndirnar: Komst inn á völlinn og lét stjórann heyra það – Svona brást hann við

Sjáðu myndirnar: Komst inn á völlinn og lét stjórann heyra það – Svona brást hann við
433Sport
Fyrir 3 dögum

Gary Martin bálreiður á Twitter og svaraði Lucas: ,,Ættir að gefast upp á að fylgjast með fótbolta“

Gary Martin bálreiður á Twitter og svaraði Lucas: ,,Ættir að gefast upp á að fylgjast með fótbolta“
433Sport
Fyrir 4 dögum

Dóttir hennar var yfir sig ásftangin og sætti sig við það ótrúlega: ,,Ég dó næstum þegar þau sögðu mér frá þessu“

Dóttir hennar var yfir sig ásftangin og sætti sig við það ótrúlega: ,,Ég dó næstum þegar þau sögðu mér frá þessu“
433Sport
Fyrir 4 dögum

Albert fór illa með mömmu sína: Fékk gríðarlega pirrandi símtal – ,,Hún kenndi mér alltaf um“

Albert fór illa með mömmu sína: Fékk gríðarlega pirrandi símtal – ,,Hún kenndi mér alltaf um“