Luke Shaw, bakvörður Manchester United þarf að passa sig hvað hann borðar, hann fitnar auðveldlega. Hann hefur verið gagnrýndur fyrir líkamlegt atgervi.
Shaw var besti leikmaður Manchester United á nýliðnu tímabili, frekar en að fara strax í frí er Shaw enn að æfa. Hann mætir einn á hverjum degi á æfingasvæði félagsins.
Hann er svo á leið í sumarfrí en tekur með sér þjálfara frá félaginu, sem mun láta hann æfa vel í fríinu.
Ole Gunnar Solskjær hefur hótað leikmönnum sem ekki mæta í formi, að þeir verði skildir eftir þegar farið verður í æfingaferð.
Solskjær ætlar sér að reyna að rífa liðið upp úr meðalmennsku sem einkennt hefur félagið síðustu ár.
Undirbúningstímabil United hefst í byrjun júlí.