Kristófer Ingi Kristinsson sóknarmaðurinn knái er að yfirgefa Willem II í Hollandi en óvíst er hvað hann gerir.
Kristófer fundaði með Esbjerg í Danmörku á dögunum en framtíð hans ræðst á næstu tveimur vikum.
FLeiri félög hafa sýnt þessum öfluga leikmanni áhuga en hann hefur meðal annars verið orðaður við PSV.
Hjá Esbjerg færi Kristófer í hlutverk í aðalliðinu en hjá PSV yrði hann líklega meira í varaliðinu.
,,Ég ræddi við Esbjerg en hef ekki skrifað undir neitt,“ sagði Kristófer við hollenska fjölmiðla.
Kristófer er tvítugur og lék með Stjörnunni áður en hann fór í atvinnumennsku, hann er í U21 árs landsliði Íslands.