Þjálfari Roskilde, í næst efstu deild í Danmörku sakar leikmenn sína um veðmálasvindl, þjálfarinn nefndi ekki nein nöfn og því liggja allir leikmenn liðsins undir grun.
Í marki Roskilde gegn Lyngby um helgina var Frederik Schram, landsliðsmarkvörður Íslands. Hann var í hópi Íslands sem fór á HM síðasta sumar.
Roskilde hefur mikið verið í fréttum á þessu ári en félagið var að berjast við gjaldþrot.
Roskilde komst yfir gegn Lyngby um helgina en tvö mörk seint í leiknum, kostuðu liðið og þjálfarinn fór að saka leikmenn sína um veðmálasvindl.
Danskir fjölmiðlar segjast hafa heimildir fyrir því að leikmenn Roskilde séu að veðja á eigin leiki. Þeir séu þó aldrei að reyna að tapa leikjum, heldur horfi á þetta sama bónus.
Danska knattspyrnusambandið hefur hafið rannsókn og vilja þeir skoða veðmálareikninga allra leikmanna, þar á meðal hjá Frederik.
