Það var boðið upp á mikið fjör á Kaplakrikavelli í kvöld þar sem FH og Valur áttust við í fimmtu umferð Pepsi Max-deildar karla.
Áhorfendur fengu fimm mörk og skemmtun en það voru FH-ingar sem fögnuðu að lokum 3-2 sigri.
Jakup Thomsen sá um að tryggja FH sigurinn í kvöld með marki á 86. mínútu leiksins.
Á sama tíma vann KR sigur á HK en þau lið áttust við í Vesturbænum og voru einnig fimm mörk á boðstólnum.
KR var lengi með örugga 3-0 forystu en HK minnkaði muninn undir lok leiksins og lokastaðan, 3-2.
Grindavík vann þá virkilega dýrmætan sigur í Grindavík en Josip Zeba sá um að tryggja þrjú stig í 1-0 sigri á Fylki.
FH 3-2 Valur
1-0 Brandur Olsen(víti, 34′)
1-1 Eiður Aron Sigurbjörnsson(65′)
2-1 Steven Lennon(76′)
2-2 Ólafur Karl Finsen(79′)
3-2 Jakup Thomsen(86′)
KR 3-2 HK
1-0 Pálmi Rafn Pálmason(20′)
2-0 Tobias Thomsen(44′)
3-0 Björgvin Stefánsson(54′)
3-1 Birkir Valur Jónsson(86′)
3-2 Kári Pétursson(87′)
Grindavík 1-0 Fylkir
1-0 Josip Zeba(74′)