Mario Götze, leikmaður Borussia Dortmund, elskar Jurgen Klopp en þeir unnu saman hjá félaginu um tíma.

Klopp er í dag stjóri Liverpool og hefur náð flottum árangri með liðið undanfarin fjögur ár.

Götze sagði ansi skemmtilega sögu af Klopp í dag en sá síðarnefndi fór í hárígræðslu á sínum tíma til að koma í veg fyrir skalla.

,,Hann vissi hvernig átti að fara með mig. Hann var magnaður stjóri en hans persónuleiki var mikilvægastur fyrir mig sem ungan leikmann,“ sagði Gotze.

,,Ég hef aldrei hitt neinn stjóra sem er eins náttúrulega fyndinn. Ég gleymi því aldrei þegar ég rakst á hann í Dusseldorf eitt sumarið.“

,,Hann var að fara að hitta sérfræðing til að fara í hárígræðslu. Það voru risastórar fréttir í Þýskalandi.“

,,Hann hafði svo gaman að því. Hann brosti bara og sagði mér frá aðgerðinni og hversu töff hann ætti eftir að líta út og þannig.“

,,Svo þegar hann var að kveðja þá sagði hann við mig að hann ætlaði að vista símanúmerið.“

,,Ég spurði hvað hann ætti við og hann svaraði: ‘Símanúmerið hjá lækninum, eftir nokkur ár þá gætir þú þurft á því að halda!’