Ólafur Kristjánsson, þjálfari FH, var að sjálfsögðu sáttur í kvöld eftir 3-2 sigur á Íslandsmeisturum Vals.
Ólafur heimtaði að sínir menn myndu fagna eftir sigurinn í kvöld og segir hann að það sé eðlilegt eftir svo sterkan sigur og mikla vinnu.
,,Þetta er þýðingarmikill sigur. Ekki bara eftir skagaleikinn sérstaklega, menn eiga að fagna þegar þeir vinna fótboltaleiki,“ sagði Ólafur.
,,Þessi tilfinning er engu lík. Þess vegna vil ég að eftir frábæra vinnu í dag að þeir fagni þessu svolítið og njótið þess að sjúga karamelluna.“
,,Ég var ánægður með fyrri hálfleik, sérstaklega hvernig við spiluðum boltanum. Á síðasta þriðjung vantaði smá bit samt. Ég held að við höfum skorað löglegt mark en það skiptir ekki máli núna.“
,,Við áttum von á því að Valsararnir kæmu og myndu setja pressu sem þeir gerðu. Við máttum spila betur í gegnum hana.“
Nánar er rætt við Óla hér fyrir neðan.