Gary Martin og Valur er það sem er rætt í íslenskum fótbolta, það hefur verið síðustu vikuna. Valur vill losna við Gary, þeir losna hins vegar ekki við hann fyrr en í fyrsta lagi í júlí.
Ólafur Jóhannesson staðfesti við 433.is að Valur vildi losna við Gary Martin, hann henti ekki leikstíl liðsins. Valur fékk Gary í janúar og gerði við hann þriggja ára samning.
Ljóst er að Valur vissi hvaða leikstíl Gary er bestur í, því eiga margir erfitt með að trúa þeim útskýringum. ,,Það er búið að fljúga endalaust af sögum og eðlilega, fólk kaupir ekki þessa skýringu með að henta ekki leikstíl,“ sagði Hjörvar Hafliðason í Dr Football.
,,Við erum að reyna að segja fólki það sem er verið að ræða á kaffistofunum, stundum er það slúður. Það nýjasta sem ég hef heyrt er að Gary hafi verið byrjaður að skipta sér af liðsvalinu, hverjir ættu að vera í kringum hann.“
Sigurjón Jónsson, veðmálahundur var gestur Hjörvars í þættinum, hann sagði þetta um útskýringar Vals. ,,Það er bara lygi,“ sagði Sigurjónu um málið og sagði að félögin ættu að koma hreint fram. Í svona málum.
