Kári Árnason er að kveðja lið Genclerbirligi í Tyrklandi en hann er líklega á leið í Pepxi-Max deildina.

Kári og félagar mættu Adana Demirspor í næst efstu deild en þurftu að sætta sig við 2-1 tap. Kári var ekki í hóp.

Það skiptir þó ekki miklu en Genclerbirligi er búið að tryggja sér sæti í efstu deild. Liðið hafnaði í öðru sæti deildarinnar.

Það er ekki búist við því að Kári spili lengur í Tyrklandi og er talað um að hann sé að semja við Víking Reykjavík.

,,Komiði mér í þessa flugvél!“ skrifar Kári á Instagram síðu sína og birti mynd af sér ásamt liðsfélaga sínum.

Kári kom þó reglulega við sögu á tímabilinu og spilaði sitt hlutverk er liðið tryggði sér sæti í efstu deild.