Gary Martin og Valur er það sem er rætt um í íslenskum fótbolta þessa dagana, Valur villl losna við Gary. Hann fékk ekki að æfa með Val í fyrradag og var ekki í leikmannahópi liðsins í gær, gegn Fylki í Pepsi Max-deildinni. Þar vann Valur sinn fyrsta sigur í sumar
Valur vill losna við Gary Martin. Þetta staðfesti Ólafur Jóhannesson, þjálfari Vals í samtali við 433.is í vikunni. Gary gekk í raðir Vals í janúar og gerði þriggja ára samning. Eftir fjórar umferðir í Pepsi Max-deildinni vill Valur nú losna við framherjann.
Ólafur Jóhannesson, þjálfari Vals neitaði að ræða mál Gary Martin við Stöð2 Sport í gær. Hann las yfir fréttamanninum sem vildi ræða við hann um málið, eftir leikinn.
Við þetta var Hörður Magnússon, stjórnandi Pepsi Max-markanna ekki sáttur. „Við skulum hafa eitt algjörlega á hreinu. Það er ekki Ólafs Jóhannessonar að ritstýra okkar miðli. Við megum bera fram spurningar en það er síðan algjörlega undir viðmælandanum komið hvort hann svari þeim,“ segir Hörður.
„Það er algjörlega ljóst að menn setja engar línur um hvað við spyrjum.“
Umræðuna má sjá hér að neðan.
