Sóknarmaðurinn Jón Dagur Þorsteinsson er að ganga í raðir AGF í dönsku úrvalsdeildinni.
Jón Dagur er mjög efnilegur leikmaður en hann var keyptur til Fulham frá HK á síðasta ári.
Hann var svo lánaður til Vendsyssel í Danmörku þar sem hann skoraði þrjú mörk í 18 leikjum.
Samkvæmt heimildum Dr. Football þá er Jón Dagur að skrifa undir hjá AGF sem er stærra lið.
Jón á að baki þrjá landsleiki fyrir aðallið Íslands og hefur gert í þeim eitt mark.
Jón mun gera lánssamning við AGF en hann skrifaði einnig undir nýjan samning við Fulham.