Sergio Conceicao, stjóri Porto í Portúgal, var mættur á U19 leik liðsins á dögunum sem mætti Benfica.
Conceicao horfði á son sinn spila í leiknum, Rodrigo Conceicao en hann spilar fyrir lið Benfica.
Það var Benfica sem hafði betur í leiknum og komst Rodrigo á blað í sigrinum, eitthvað sem fór í taugarnar á mörgum.
Sergio var í stúkunni og horfði á leikinn en sonur hans þurfti að hlusta á mikið áreiti frá stuðningsmönnum Porto.
Hann var kominn með alveg nóg að hlusta á ljót köll úr stúkunni og endaði á að slást við stuðningsmann Porto sem talaði niður til stráksins unga.
Greint er frá því að þessi stuðningsmaður hafi verið vel ölvaður og svaraði fyrir sig af fullum hálsi.
Aðrir stuðningsmenn og öryggisverðir þurftu að skilja þá að. Rígurinn á milli Porto og Benfica er gríðarlega mikill.
Bæði lið berjast um efsta sætið í portúgölsku deildinni en tvö stig eru á milli þeirra fyrir lokaumferðina.