Ander Herrera, leikmaður Manchester United, hefur sent stuðningsmönnum félagsins skilaboð fyrir næstu leiktíð.
Herrera mun kveðja United í sumar en hann verður samningslaus og krotar ekki undir nýjan samning.
Gengi liðsins undir Ole Gunnar Solskjær hefur verið slæmt undanfarið en Herrera hefur þó fulla trú á Norðmanninum.
,,Ég trúi á Ole en það er erfitt verkefni framundan. Það er mín skoðun sem stuðningsmaður og einhver sem þekkir félagið vel,“ sagði Herrera.
Herrera mun skrifa undir hjá PSG á næstu dögum ef allt er rétt, enska blaðið Mirror segir að hann muni þéna 300 þúsund pund á viku. Blaðið segir að Herrera hafi verið með 130 þúsund pund á viku hjá United, launin hækka því um tæpar 27 milljónir íslenskra króna á viku. Ef frétt Mirror er rétt.