Ruben Loftus-Cheek, leikmaður Chelsea, reynir að fá liðsfélaga sinn Eden Hazard til að vera um kyrrt hjá félaginu.
‘Eden Hazard, we want you to stay’ er eitthvað sem stuðningsmenn Chelsea hafa sungið undanfarið en Belginn er sterklega orðaður við Real Madrid.
Loftus-Cheek er á sama máli og stuðningsmenn og vonar innilega að Hazard fari ekki fet.
,,Ég hef verið að syngja þetta til hans í búningsklefanum,“ sagði Loftus-Cheek við Sky Sports.
,,Ég er viss um það að allir hjá félaginu vilji halda honum – leikmenn, starfsfólk, stjórnin og stuðningsmenn.“
,,Hann er svo hæfileikaríkur og hann hefur hjálpað liðinu gríðarlega á þessum sjö árum.“
,,Hann hefur hjálpað liðinu að vinna titla, allir njóta þess að horfa á hann spila. Ég er viss um að félagið hafi óskað honum góðs gengis ef hann ákveður að fara annað.“