,,Það er í lagi að vera hommi,“ segir Andy Brennan, sem er fyrsti leikmaðurinn í úrvalsdeildinni í Ástralíu, sem kemur úr skápnum.
Það hefur í mörg ár verið rætt um það, hvers vegna samkynhneigðir karlmenn finnist varla í fótboltanum.
Ljóst er að fjöldi atvinnumanna í fótbolta eru í skápnum, þora ekki að stíga úr skápnum.
Þessi 26 ára gamli maður vildi ekki lengur lifa í felum, með hver hann væri, í raun og veru. ,,Að vera heiðarlegur með þetta, þá líður mér best,“ sagði Brennan.
,,Það kom bara augnablik, þar sem ég varð að sætta mig við hver ég er. Ég hugsaði mikið um þetta, ég reyndi að fela þetta. Reyndi að ýta þessu til hliðar, ég bjóst við að fá mikla gagnrýni.“
,,Ég taldi að fólk myndi koma öðruvísi fram við, ég var mjög hræddur. Ég gerði þetta sem betur fer, mér hefur aldrei liðið betur.“