Garth Crooks, sérfræðingur BBC, fékk það verkefni á dögunum að velja lið ársins í ensku úrvalsdeildinni
Crooks sér um að velja lið besta lið umferðarinnar í hverri viku fyrir BBC og fékk svo þetta verkefni í lok tímabils.
Það er óhætt að segja að lið Crooks veki athygli en Antonio Rudiger er í hjarta varnarinnar.
,,Hvað er hann að gera í þessu liði?“ skrifar einn og annar bætir við: ,,Á hvaða eiturlyfjum ert þú, Garth?“
Rudiger var mögulega einn af bestu leikmönnum Chelsea á tímabilinu en liðið var ekki sannfærandi á köflum.
Eden Hazard, liðsfélagi Rudiger, er í liðinu en annars er það skipað leikmönnum Liverpool og Manchester City.
Þeir Mo Salah og Pierre-Emerick Aubameyang komast ekki í liðið en þeir voru markakóngar tímabilsins ásamt Sadio Mane.