Mike Dean er nafn sem allir enskir knattspyrnuaðdáendur kannast við en hann er dómari í úrvalsdeildinni.
Dean er þekktur fyrir það að vera mjög litríkur og fer oft öðruvísi leiðir en aðrir í dómgæslunni.
Hann er mikill stuðningsmaður Tranmere Rovers sem spilaði við Forest Green í dag.
Um var að ræða umspilsleik um laust sæti í League 1 sem er þriðja efsta deild Englands en sigurliðið komst í úrslitaleikinn.
Það var Tranmere sem hafði betur í leiknum og var Dean að sjálfsögðu mættur á völlinn og lét vel í sér heyra!
Tranmere mun spila við Newport County í úrslitaleiknum á Wembley um hvort liðið fær sæti í þriðju deildinni.