Það styttist nú í það að aðrar deildir á Íslandi hefjist eftir að fyrsta umferð Pepsi Max-deildar karla fór fram.
Það bíða margir spenntir eftir að fyrsta, önnur, þriðja og fjórða deild fari af stað sem og fyrsta og önnur deild kvenna.
Lið KV mun leika í 3. deildinni í sumar og fagnaði á dögunum 15 ára afmæli sínu.
KV fagnar afmælinu á skemmtilegan hátt en liðið hefur breytt merki sínu og er komið í nýjan búning.
Félagið birti myndband á Twitter-síðu sinni og hefur það svo sannarlega fengið jákvæð viðbrögð.
Myndbandið má sjá hér.
Í tilefni af 15 ára afmæli KV kynnum við nýtt merki og nýjan búning! #kvnation pic.twitter.com/gyvbvaiduG
— KV Fótbolti (@KVfotbolti) 30 April 2019