Hannes Þór Halldórsson er genginn í raðir Vals en hann kemur til félagsins frá Quarabag í Aserbaídsjan.
Hannes hefur spilað með Quarabag undanfarna mánuði og gekk í raðir félagsins eftir HM síðasta sumar.
Þar gekk hins vegar illa hjá okkar manni sem fékk lítið að spila og rifti að lokum samningi sínum.
Það er gríðarlegur liðsstyrkur fyrir Val að fá Hannes sem er aðalmarkvörður íslenska landsliðsins.
Hann var kynntur með skemmtilegu myndbandi í dag þar sem fólk er minnt á það hvað Hannes hefur gert á ferlinum.